پاکستان میں تعینات برطانوی ہائی کمشنر جین میریٹ نے اسلام آباد میں وزیر دفاع خواجہ محمد آصف سے ملاقات کی، جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔
ملاقات کے دوران پاکستان اور برطانیہ کے درمیان تعلقات کو مزید مضبوط بنانے کے عزم کا اظہار کیا گیا۔ دونوں رہنماؤں نے علاقائی سلامتی کی صورتحال پر بھی گفتگو کی جبکہ دفاع اور ہوا بازی کے شعبوں میں تعاون کو فروغ دینے کے امکانات پر تبادلہ خیال کیا گیا۔
اس موقع پر فریقین نے تعمیری رابطوں کو جاری رکھنے اور پاکستان و برطانیہ کے درمیان دیرینہ شراکت داری کو مزید مستحکم بنانے کے عزم کا اعادہ کیا۔ ملاقات خوشگوار ماحول میں اختتام پذیر ہوئی۔