وفاقی دارالحکومت میں سیکیورٹی خدشات کے باعث ریڈ الرٹ جاری کر دیا گیا ہے۔
ذرائع کے مطابق شہر کے متعدد اہم راستوں کو کنٹینرز لگا کر بند کر دیا گیا ہے جبکہ مختلف علاقوں میں سرچ آپریشن بھی جاری ہے۔
سیکیورٹی اداروں نے شہر کے داخلی اور خارجی راستوں پر چیکنگ مزید سخت کردی ہے، گاڑیوں کی جامع تلاشی لی جا رہی ہے جبکہ مشکوک افراد کی تلاش کے لیے مختلف مقامات پر کارروائیاں کی جا رہی ہیں۔
حکام کا کہنا ہے کہ شہریوں کی حفاظت کو یقینی بنانے کے لیے سیکیورٹی اقدامات بڑھائے گئے ہیں اور صورتحال پر کڑی نظر رکھی جا رہی ہے۔