پیٹرولیم مصنوعات کی بڑھتی قیمتوں کے باعث کئی ٹرینیں معطل کیے جانے کی وجہ سے مسافروں کو عید اسپیشل ٹرین کے حوالے سے فکر لاحق ہوگئی۔
ذرائع کا کہنا ہے کہ ریلوے حکام نے عید اسپیشل ٹرین نہ چلانے یا محدود کرنے پر غور شروع کردیا ہے۔
ذرائع کے مطابق موجودہ ٹرینوں میں اضافی بوگیاں لگا کر رش مینیج کرنے کے پلان پر بھی عمل ممکن ہے۔
یاد رہے کہ گذشتہ ایک ہفتے کے دوران کراچی سے روانہ ہونے والی 15 ٹرینیں بھی معطل کی جاچکی ہیں، مسافروں کی کمی اور ایندھن بچت اقدامات کے تحت ٹرینیں معطل کی گئیں۔
محکمہ ریلویز کی جانب سے اب تک عید اسپیشل ٹرین شیڈول کا اعلان نہیں کیا گیا ہے۔