وزیراعلیٰ سندھ کی زیرِ صدارت سندھ فنڈ مینجمنٹ ہاؤس بورڈ کا پہلا اجلاس منعقد ہوا جس میں سندھ فنڈ مینجمنٹ ہاؤس ایکٹ 2021 کا تفصیلی جائزہ لیا گیا۔
اجلاس میں سندھ فنڈ مینجمنٹ ہاؤس کو سرکاری فنڈز کے مرکزی پلیٹ فارم کے طور پر فعال کرنے کا فیصلہ کیا گیا جبکہ بورڈ ادارے کے آپریشنز کی نگرانی اور سالانہ آپریشنل بجٹ کی منظوری دے گا۔
وزیراعلیٰ سندھ نے اجلاس سے خطاب کرتے ہوئے کہا کہ پنشنرز کی بچت اور عوامی فنڈز کے تحفظ پر کوئی سمجھوتہ نہیں کیا جائے گا۔ انہوں نے متعلقہ حکام کو ہدایت کی کہ مالیاتی معاملات میں شفافیت اور مؤثر نگرانی کو یقینی بنایا جائے۔