کاؤنٹر ٹیررازم ڈپارٹمنٹ (سی ٹی ڈی) بنوں ریجن نے لکی مروت کے علاقے شاگئی میں انٹیلی جنس بیسڈ آپریشن کے دوران 6 دہشتگرد ہلاک کر دیے۔
سی ٹی ڈی ذرائع کے مطابق کارروائی میں دہشتگردوں کے ساتھ فائرنگ کا تبادلہ ہوا جو تقریباً 40 منٹ تک جاری رہا۔ اس دوران 6 دہشتگرد مارے گئے جبکہ ان کے مزید ساتھی فرار ہونے میں کامیاب ہوگئے۔
حکام نے بتایا کہ ہلاک دہشتگردوں کی شناخت کا عمل جاری ہے۔ دہشتگردوں کے قبضے سے 4 کلاشنکوف، 2 پستول، 8 دستی بم اور آئی ای ڈی برآمد ہوئے ہیں۔
دریں اثنا جمعہ کو لکی مروت میں ہونے والے دھماکے میں شہید ہونے والے 7 پولیس اہلکاروں کی نماز جنازہ پولیس لائن میں ادا کی گئی۔