لوئر دیر کی تحصیل درگئی کے علاقے قالدرہ اڈہ میں فائرنگ کا ایک افسوسناک واقعہ پیش آیا ہے جس کے نتیجے میں تین خواتین موقع پر ہی جاں بحق ہو گئیں۔
واقعہ کی اطلاع ملتے ہی ریسکیو 1122 کی ٹیمیں دو ایمبولینسز کے ہمراہ فوری طور پر جائے وقوعہ پر پہنچ گئیں اور جاں بحق ہونے والی خواتین کی نعشیں تحصیل ہیڈکوارٹر اسپتال درگئی منتقل کیں۔
جاں بحق ہونے والوں میں 50 سالہ سواہرت، 28 سالہ سمرہ اور 16 سالہ سوینہ شامل ہیں، جن کا تعلق مقامی علاقے قالدرہ سے ہے۔
ابتدائی اطلاعات کے مطابق جاں بحق ہونے والی خواتین آپس میں ماں اور بیٹیاں تھیں۔
واقعے کے بعد علاقے میں خوف وہراس پھیل گیا جبکہ پولیس نے واقعے کی تحقیقات شروع کردی ہیں۔