کراچی میں آرام باغ روڈ پر واقع نجی بینک کے اے ٹی ایم سے 53 لاکھ 70 ہزار روپے کی چوری کی واردات کا ڈراپ سین ہوگیا ہے، جس میں بینک کا اپنا ہی آپریشن منیجر اور اس کا دوست ملوث نکلے۔
پولیس کے مطابق 7 اگست کی درمیانی رات ملزمان نے اے ٹی ایم کا لاک کھول کر رقم چوری کی اور شناخت سے بچنے کے لیے کیمرے پر چیونگم لگا دی تھی۔
پولیس حکام نے بتایا کہ سی سی ٹی وی فوٹیج کی مدد سے کارروائی کرتے ہوئے دونوں ملزمان کو گرفتار کرلیا گیا ہے۔
ملزم آپریشن منیجر نے چوری شدہ رقم اپنے دوست کے پاس رکھوائی تھی، جس کے قبضے سے 29 لاکھ 74 ہزار روپے کی رقم برآمد کر لی گئی ہے جبکہ باقی رقم کی برآمدگی کے لیے اقدامات جاری ہیں۔