پاکستانی سیکیورٹی اداروں نے مؤثر کارروائی کرتے ہوئے بھارتی خفیہ ایجنسی "را" کے لیے جاسوسی میں ملوث 3 ملزمان کو گرفتار کرلیا ہے۔
ذرائع کے مطابق گرفتار ملزمان کا تعلق نارووال، بہاولپور اور ضلع نیلم (آزاد کشمیر) سے ہے۔
ابتدائی تفتیش میں ملزمان نے اعتراف کیا ہے کہ انہیں سوشل میڈیا ایپس کے ذریعے رقم کا جھانسہ دے کر حساس معلومات حاصل کرنے پر آمادہ کیا گیا۔ رقم کی ترسیل ایزی پیسہ، کرپٹو والٹس اور بینک اکاؤنٹس کے ذریعے کی جاتی رہی۔
ذرائع کے مطابق ملزمان بھارتی خفیہ ایجنسی سے منسلک خواتین رابطہ کاروں کے ساتھ مسلسل رابطے میں تھے۔
سیکیورٹی ذرائع کا کہنا ہے کہ ملزمان کے خلاف آفیشل سیکرٹ ایکٹ کے تحت مقدمہ درج کرلیا گیا ہے اور قانونی کارروائی کے بعد انہیں سزائیں سنائی جا چکی ہیں۔