نیو کراچی کے علاقے جامع مسجد خضرا کے قریب شادی کی تقریب میں ہوائی فائرنگ کے واقعے میں ایک شخص اپنی ہی گولی لگنے سے ہلاک ہوگیا۔
پولیس کا کہنا ہے کہ 35 سالہ فیروز خان شادی کی تقریب میں بطور مہمان شریک تھا، جہاں مبینہ طور پر اس نے فائرنگ کی اور پلٹ کر واپس آنے والی گولی لگنے سے وہ خود شدید زخمی ہوگیا، ریسکیو حکام نے موقع پر پہنچ کر زخمی کو اسپتال منتقل کیا تاہم وہ زخموں کی تاب نہ لاتے ہوئے راستے میں ہی دم توڑ گیا۔
پولیس کے مطابق متوفی کورنگی کا رہائشی تھا۔ پولیس نے واقعے کی تمام پہلوؤں سے تفتیش شروع کردی ہے۔