کراچی: وفاقی تحقیقاتی ادارے (ایف آئی اے) کے کاؤنٹر ٹیررازم ونگ نے انٹیلی جینس اطلاع پر عوامی مرکز پاسپورٹ آفس پر چھاپہ مارا ہے، جس کے نتیجے میں جعلی دستاویزات پر افغان باشندوں کے پاکستانی پاسپورٹ بنانے والے بڑے نیٹ ورک کو پکڑلیا گیا ہے۔
ذرائع کے مطابق، انسدادِ دہشت گردی ونگ کی اس کارروائی کے دوران پاسپورٹ آفس کے اسسٹنٹ ڈائریکٹر کو حراست میں لے لیا گیا ہے جبکہ دفتر میں موجود ریکارڈ کی تفصیلی جانچ پرتال بھی کی گئی ہے۔
کارروائی کے دوران 70 سے زائد ایسے مشتبہ غیر ملکی افراد کے پاسپورٹ بنانے کی دستاویزات برآمد ہوئی ہیں جن کا تعلق مبینہ طور پر افغانستان سے ہے اور اس حوالے سے مزید تصدیق کی جارہی ہے۔ ایف آئی اے کے کاؤنٹر ٹیررازم ونگ نے معاملے کی مزید تفتیش اور تحقیقات کا باقاعدہ آغاز کردیا ہے۔