خیبر پختونخوا کے ضلع بنوں میں جائیداد کے تنازع نے خونی رخ اختیار کر لیا، جہاں فائرنگ کے ایک واقعے میں ایک ہی خاندان کے چار افراد جان کی بازی ہار گئے۔
پولیس کے مطابق یہ افسوسناک واقعہ تھانہ ڈومیل کی حدود میں واقع اودین کلہ کے علاقے میں پیش آیا، جہاں مبینہ طور پر جائیداد کے تنازع پر چچا زاد رشتہ داروں کے درمیان کشیدگی فائرنگ میں تبدیل ہوگئی۔
حکام کا کہنا ہے کہ جاں بحق ہونے والوں میں ایک شخص اور اس کے تین بیٹے شامل ہیں، جو فائرنگ کی زد میں آ کر موقع پر ہی دم توڑ گئے۔ واقعے کے بعد ملزمان فرار ہونے میں کامیاب ہوگئے۔
پولیس نے ملزمان کی گرفتاری کے لیے مختلف علاقوں میں سرچ آپریشن اور چھاپوں کا سلسلہ شروع کر دیا ہے، جبکہ واقعے کی وجوہات اور دیگر پہلوؤں کی تحقیقات بھی جاری ہیں۔