ایران کے صدر مسعود پزشکیان نے تہران اور واشنگٹن کے درمیان مذاکرات کا دفاع کرتے ہوئے کہا ہے کہ کہا کہ مذاکرات کے معاملے میں ایران کے ایک بااختیار ادارے، سپریم نیشنل سکیورٹی کونسل کی منظوری ہی ’بنیادی معیار‘ ہے اور آخری فیصلہ سپریم لیڈر مجتبیٰ خامنہ ای کا ہوتا ہے۔‘ اس سے پہلے امریکی صدر ٹرمپ نے عندیہ دیا ہے کہ ’ہم ایران کے ساتھ ایک امن معاہدے کے انتہائی قریب ہیں۔‘
- امریکی صدر ڈونلڈ ٹرمپ نے اتوار کے روز بیروت پر اسرائیلی حملے کو تنقید کا نشانہ بناتے ہوئے کہا ہے کہ یہ کارروائی ’نہیں ہونی چاہیے تھی۔‘
- لبنان کے دارالحکومت بیروت کے جنوبی مضافاتی علاقے پر اتوار کے روز ہونے والے اسرائیلی حملے میں کم از کم تین افراد ہلاک اور 15 زخمی ہو گئے۔
- امریکی وزیر دفاع پیٹ ہیگستھ نے کہا ہے کہ ’امریکہ اور ایران کے درمیان معاہدے کی جانب پیش رفت جاری ہے اور اب یہ سوال نہیں کہ معاہدہ ہوگا یا نہیں، بلکہ یہ کہ وہ کب طے پائے گا۔‘
- ایرانی پارلیمنٹ کے سپیکر باقر قالیباف نے خبردار کرتے ہوئے کہا کہ ’اگر آپ اپنے وعدوں پر عمل کرنے کی نہ خواہش رکھتے ہیں اور نہ ہی صلاحیت، تو پھر مذاکرات یا کسی بھی عمل کو آگے بڑھانے کی بات کرنا ممکن نہیں رہے گا۔‘
- ایران کے ساتھ معاہدہ اتوار کو طے پا جائے گا، آبنائے ہرمز کو فوری طور پر 'سب کے لیے کھول دیا جائے گا: امریکی صدر ڈونلڈ ٹرمپ کی تصدیق
ایرانی صدر مسعود پزشکیان کا امریکہ سے مذاکرات کا دفاع: ’آخری فیصلہ سپریم لیڈر مجتبیٰ خامنہ ای کا ہوتا ہے‘
