رسالہ پولیس نے انٹیلیجنس بیسڈ ٹارگٹڈ کارروائی کرتے ہوئے 20 تولہ سونا چوری کرنے کے مقدمے میں ملوث گھریلو ملازمہ آصفہ کو گرفتار کرلیا۔
ترجمان ڈسٹرکٹ سٹی پولیس کے مطابق ملزمہ نے 12 جون کو گھر میں صفائی کے دوران 20 تولہ سونا چوری کیا تھا، جس کا مقدمہ تھانہ رسالہ میں 14 جون کو درج کیا گیا۔
پولیس نے کارروائی کرتے ہوئے ملزمہ کو گرفتار کرکے اس کے قبضے سے 6 تولہ مسروقہ سونا برآمد کرلیا، جبکہ ملزمہ نے مزید سونا ایک جیولر کے پاس امانتاً رکھوانے کا بھی انکشاف کیا ہے۔
پولیس کے مطابق ملزمہ گزشتہ 6 ماہ سے مذکورہ گھر میں ملازمت کر رہی تھی۔ ملزمہ کو شعبۂ تفتیش کے حوالے کردیا گیا ہے تاکہ باقی مسروقہ مال بھی برآمد کیا جاسکے۔
پولیس کے مطابق ملزمہ نے ابتدائی تفتیش میں انکشاف کیا کہ چوری شدہ ایک طلائی سیٹ اس نے 21 لاکھ 50 ہزار روپے میں حب کے جیولر کو فروخت کیا، جبکہ بعدازاں مزید 2 لاکھ روپے مالیت کا سونا بھی فروخت کیا۔ حاصل ہونے والی رقم سے ملزمہ نے مواچھ گوٹھ میں ایک گھر بھی خرید لیا۔