نصیرآباد میں نامعلوم افراد نے دھماکا خیز مواد کا استعمال کرتے ہوئے 132 کے وی بجلی کے ٹاور کو تباہ کردیا، جس کے نتیجے میں بولان سمیت متعدد قریبی علاقوں میں بجلی کی فراہمی منقطع ہوگئی۔
کیسکو حکام نے واقعے کی تصدیق کرتے ہوئے بتایا کہ نشانہ بنائی جانے والی 132 کے وی ٹرانسمیشن لائن سبی سے بولان کے علاقوں کو بجلی فراہم کر رہی تھی۔
بجلی کے نظام کی جلد بحالی کے لیے کیسکو کی تکنیکی اور امدادی ٹیمیں متاثرہ مقام پر روانہ کردی گئی ہیں۔ دوسری جانب، مقامی پولیس نے واقعے کی تحقیقات کا باقاعدہ آغاز کردیا ہے۔