کراچی کے علاقے سندھی مسلم سوسائٹی کی فوڈ واک پر موٹر سائیکل سوار دو ملزمان شہری سے 7 لاکھ روپے مالیت کا قیمتی موبائل فون چھین کر فرار ہوگئے، واردات کی ویڈیو سوشل میڈیا پر وائرل ہوگئی۔
متاثرہ شہری سلال کے مطابق وہ فوڈ واک پر ویڈیو بنا رہا تھا کہ موٹر سائیکل پر سوار دو ملزمان پہنچے اور پیچھے بیٹھے ملزم نے اس کا موبائل فون چھین لیا۔
پولیس کے مطابق واردات 4 نومبر کی رات ایک بجے پیش آئی، جس کا مقدمہ تھانہ فیروزآباد میں درج کرلیا گیا ہے۔ متاثرہ شہری نے واقعے کی اطلاع پولیس ہیلپ لائن 15 پر بھی دی تھی۔