اسلام آباد کے علاقے آئی 14/2 میں سروس روڈ ویسٹ سے نامعلوم خاتون کی لاش برآمد ہوئی ہے، جس کے بائیں کندھے پر بظاہر گولی لگنے کا زخم موجود ہے۔
پولیس کے مطابق تھانہ نون کی حدود سے ملنے والی خاتون کی عمر تقریباً 25 سے 26 سال بتائی جا رہی ہے۔ تاحال مقتولہ کی شناخت نہیں ہوسکی اور نہ ہی موت کی وجوہات معلوم ہوسکی ہیں۔
پولیس نے لاش تحویل میں لے کر واقعے کی تحقیقات شروع کردی ہیں، جبکہ خاتون کی شناخت اور موت کی اصل وجہ جاننے کے لیے مزید کارروائی جاری ہے۔