برطانیہ میں پولیس سے بچنے کے لیے فریج میں چھپنے والے ملزم کو گرفتار کر لیا گیا۔غیر ملکی میڈیا کے مطابق 33 سالہ ڈین فورڈ پر ایک خاتون نے چھ ماہ تک ذہنی اور جسمانی تشدد کا الزام عائد کیا تھا۔
شکایت موصول ہونے پر پولیس نے ملزم کے گھر پر چھاپہ مارا جہاں وہ گرفتاری سے بچنے کے لیے فریج میں جا چھپا تاہم پولیس نے اسے وہاں سے گرفتار کر لیا۔
برطانوی پولیس کے مطابق گرفتاری کے وقت ملزم نشے کی حالت میں تھا۔ کینٹ پولیس کا کہنا ہے کہ ملزم خاتون کے سوشل میڈیا اکاؤنٹس اپنے کنٹرول میں رکھتا تھا اسے اہلِ خانہ اور دوستوں سے رابطہ ختم کرنے پر مجبور کرتا تھا اور اس کی رقم جوئے، منشیات اور شراب نوشی پر خرچ کرتا رہا۔
رپورٹ کے مطابق دسمبر 2025 میں ہونے والی گرفتاری کی ویڈیو حال ہی میں جاری کی گئی جبکہ عدالت نے گزشتہ ماہ ملزم کو تین سال قید کی سزا سناتے ہوئے جیل بھیج دیا۔