لاہور کے علاقے کاہنہ میں ٹیوشن سینٹر کی چھت گرنے کے واقعے کے بعد محکمہ تعلیم پنجاب نے تمام نجی تعلیمی اداروں کو رجسٹریشن مکمل کرنے کے لیے تین دن کی ڈیڈ لائن دے دی ہے۔
وزیر تعلیم پنجاب رانا سکندر حیات نے نجی اسکولوں کو ہدایت کی ہے کہ وہ فوری طور پر اپنی رجسٹریشن مکمل کریں۔
ان کا کہنا تھا کہ اسکول انتظامیہ کو پریشان ہونے کی ضرورت نہیں کیونکہ فٹنس سرٹیفکیٹ کے اجرا کا نظام ضلعی سطح پر آن لائن کیا جا رہا ہے تاکہ رجسٹریشن کا عمل مزید آسان اور شفاف بنایا جا سکے۔