انٹرنیشنل کرکٹ کونسل (آئی سی سی) نے اسکاٹ لینڈ کے شہر ایڈنبرا میں منعقدہ اپنے سالانہ اجلاس کی ایک خصوصی ویڈیو جاری کردی ہے۔
آئی سی سی کے مطابق، یہ اہم سالانہ اجلاس 8 سے 11 جولائی 2026 تک منعقد ہوا، جس میں پاکستان کرکٹ بورڈ (پی سی بی) کے چیئرمین محسن نقوی سمیت دنیا بھر کے تمام ممبر کرکٹ بورڈز کے نمائندوں اور سربراہان نے شرکت کی۔
آئی سی سی کا کہنا ہے کہ چار روز تک جاری رہنے والے اس اجلاس کے دوران کرکٹ کے مستقبل، اس کی بہتری اور دنیا بھر میں کھیل کے فروغ کے حوالے سے تفصیلی تبادلہ خیال کیا گیا۔
اجلاس میں کھیل کے معیار کو مزید بلندیوں تک لے جانے اور اسے شائقین کے لیے مزید پرکشش بنانے کے لیے مختلف اہم تجاویز اور مستقبل کے منصوبوں پر بھی غور کیا گیا۔