پاکستان کے نوجوان جیانت کمار نے امریکا کی ہارورڈ یونیورسٹی کے بین الاقوامی کاروباری مقابلے میں پہلی پوزیشن حاصل کرکے ملک کا نام روشن کر دیا۔
مقابلے کے جج دنیا کی معروف بین الاقوامی کمپنیوں سے تعلق رکھتے تھے۔ جیانت کمار نے بتایا کہ وہ گزشتہ دو برس سے مختلف عالمی مقابلوں میں حصہ لے رہے ہیں اور متعدد اعزازات اپنے نام کر چکے ہیں۔
انہوں نے بتایا کہ ان کا کامیاب بزنس آئیڈیا مصنوعی ذہانت کی مدد سے تحقیق کے عمل کو تیز، مؤثر اور آسان بنانا تھا، جسے ججز نے بے حد سراہا۔
جیانت کمار کا کہنا تھا کہ وہ آئندہ سال بھی ایک اور عالمی مقابلے میں شرکت کریں گے اور پُرامید ہیں کہ ایک بار پھر پاکستان کا نام دنیا بھر میں روشن کریں گے۔