سوئٹزرلینڈ میں ہونے والے ورلڈ ایتھلیٹکس کانٹینینٹل ٹور سلور میٹ کے جیولن تھرو مقابلے میں پاکستان کے ارشد ندیم کامیابی حاصل کرنے میں ناکام رہے اور اپنے گروپ میں آخری نمبر پر رہے۔
اس ایونٹ میں ارشد ندیم کی پہلی اور چوتھی کوشش فاؤل رہی، جبکہ انہوں نے دوسری کوشش میں 74.87 میٹر، تیسری باری میں 73.26 میٹر اور پانچویں کوشش میں 73.39 میٹر کی تھرو پھینکی۔ ارشد ندیم نے اپنی چھٹی اور آخری کوشش میں 78.47 میٹر کی تھرو کی جو اس ایونٹ میں ان کی سب سے بہترین تھرو رہی۔
اس مقابلے میں جرمنی کے جولین ویبر نے 87.04 میٹر کی تھرو پھینک کر پہلی پوزیشن حاصل کی۔ ارشد ندیم اب 23 جولائی سے شروع ہونے والی کامن ویلتھ گیمز میں پاکستان کی نمائندگی کریں گے۔