فیفا ورلڈ کپ فائنل سے قبل نیویارک اور نیو جرسی میں فضائی آلودگی کے باعث ہیلتھ الرٹ جاری کر دیا گیا ہے جس کی وجہ کینیڈا کے جنگلات میں لگنے والی آگ سے اٹھنے والا دھواں بتایا جا رہا ہے۔
غیر ملکی میڈیا کے مطابق دھوئیں نے نیویارک کی فضائی کیفیت کو متاثر کر دیا ہے جس پر مقامی حکام نے شہریوں کے لیے ایئر کوالٹی الرٹ جاری کیا ہے۔
اتوار کو نیو جرسی اسٹیڈیم میں ارجنٹینا اور اسپین کے درمیان ورلڈ کپ فائنل کھیلا جائے گا۔ اسپین کی ٹیم نے نیو جرسی میں ٹریننگ سیشن مکمل کیا، تاہم فضائی آلودگی پر کسی تشویش کا اظہار نہیں کیا جبکہ ارجنٹینا کی ٹیم آج اپنی ٹریننگ کا آغاز کرے گی۔
ماہرین کے مطابق تیز ہواؤں اور بارش کی صورت میں دھوئیں کے بادل چھٹنے اور فضائی معیار میں بہتری آنے کا امکان ہے۔