مشرقِ وسطیٰ کی موجودہ غیر یقینی صورتحال اور علاقائی حالات کے پیش نظر حکومتِ پاکستان نے جولائی کے مہینے کے لیے مزید مائع قدرتی گیس (ایل این جی) خریدنے کا فیصلہ کیا ہے، جس کے لیے باقاعدہ ٹینڈر بھی جاری کردیا گیا ہے۔
پاکستان ایل این جی لمیٹڈ (پی ایل ایل) نے اسپاٹ مارکیٹ سے ایل این جی کا ایک اور کارگو خریدنے کے لیے ٹینڈر جاری کرتے ہوئے عالمی سپلائر کمپنیوں سے 20 جولائی تک بولیاں طلب کرلی ہیں۔
پی ایل ایل حکام کے مطابق موصول ہونے والی بولیاں 20 جولائی کو ہی کھولی جائیں گی، جبکہ یہ سپلائی 27 سے 28 جولائی کے دوران پاکستان پہنچے گی۔ واضح رہے کہ ملک کی توانائی کی ضروریات کو پورا کرنے کے لیے پاکستان رواں ماہ جولائی کے لیے اب تک ایل این جی کے 4 کارگو خرید چکا ہے۔