پاکستان اسٹاک ایکسچینج میں منگل کو کاروبار کے آغاز پر زبردست تیزی دیکھی گئی جہاں کے ایس ای 100 انڈیکس تقریباً 1,800 پوائنٹس اضافے سے 168,355 پوائنٹس کی سطح پر پہنچ گیا۔
صبح 10 بج کر 50 منٹ پر انڈیکس میں 1,791.25 پوائنٹس یعنی 1.08 فیصد اضافہ ریکارڈ کیا گیا۔
تجزیہ کاروں کے مطابق سرمایہ کار جغرافیائی سیاسی صورتحال کو نئے زاویے سے دیکھتے ہوئے خریداری میں دلچسپی لے رہے ہیں تاہم اس کا مطلب خطرات کا مکمل خاتمہ نہیں ہے۔
واضح رہے کہ گزشتہ کاروباری روز بھی 100 انڈیکس 154.81 پوائنٹس اضافے کے بعد 166,564.07 پوائنٹس پر بند ہوا تھا۔