انٹربینک اور اوپن مارکیٹ میں امریکی ڈالر کی قدر میں معمولی کمی ریکارڈ کی گئی ہے، جس کے بعد انٹربینک میں ڈالر کی قیمت 278 روپے کی سطح سے نیچے برقرار ہے۔
اسٹیٹ بینک آف پاکستان کے مطابق، انٹربینک مارکیٹ میں ڈالر 3 پیسے سستا ہو کر 277 روپے 92 پیسے پر بند ہوا ہے۔
دوسری جانب ایکسچینج کمپنیز ایسوسی ایشن آف پاکستان (ای کیپ) کے مطابق، اوپن کرنسی مارکیٹ میں بھی ڈالر کی قدر میں 3 پیسے کی کمی دیکھی گئی، جس سے اوپن مارکیٹ میں ڈالر 279 روپے 65 پیسے پر آگیا۔