ایرانی ٹماٹروں کی ترسیل کے باوجود کراچی میں ٹماٹر کی قیمتوں میں کمی نہ آ سکی بلکہ نرخ مزید بڑھ کر 450 سے 500 روپے فی کلو تک پہنچ گئے جس سے شہریوں کو شدید مشکلات کا سامنا ہے۔
میڈیا رپورٹس کے مطابق شہر کے مختلف علاقوں میں ایرانی اور کوئٹہ کے ٹماٹر 450 سے 500 روپے فی کلو یا 110 سے 125 روپے فی پاؤ فروخت کیے جا رہے ہیں جبکہ کچھ دکاندار چھوٹے سائز اور کچے ٹماٹر بھی 400 روپے فی کلو کے حساب سے فروخت کر رہے ہیں۔
شہریوں کا کہنا ہے کہ ٹماٹروں کی درآمد کے باوجود قیمتوں میں کمی نہ آنا تشویشناک ہے جبکہ مہنگائی کے باعث روزمرہ اشیائے خورونوش کی خریداری مزید مشکل ہوتی جا رہی ہے۔