پاکستان اسٹاک ایکسچینج میں کاروبار کے دوسرے سیشن کے دوران مندی کے بعد زبردست ریکوری دیکھنے میں آئی اور مارکیٹ منفی زون سے نکل کر مثبت زون میں داخل ہو گئی۔
کاروبار کے دوران 100 انڈیکس میں 1,200 سے زائد پوائنٹس کی ریکوری ہوئی جس کے بعد مارکیٹ نے 171,000 اور 172,000 پوائنٹس کی نفسیاتی حدیں دوبارہ بحال کر لیں۔
دورانِ ٹریڈنگ 100 انڈیکس 813 پوائنٹس کے اضافے کے ساتھ 172,552 پوائنٹس پر ٹریڈ کرتا رہا۔
بروکرز کے مطابق عالمی منڈی میں خام تیل کی قیمتوں میں کمی کے باعث سرمایہ کاروں کا اعتماد بحال ہوا جس کے نتیجے میں مارکیٹ میں نمایاں تیزی دیکھنے میں آئی۔