پاکستان اسٹاک ایکسچینج میں کاروباری ہفتے کے آخری روز شدید اتار چڑھاؤ کے بعد کاروبار منفی رجحان کے ساتھ اختتام پذیر ہوا۔ مارکیٹ نے دن بھر منفی اور مثبت دونوں زونز میں ٹریڈنگ کی۔
کاروبار کے دوران 100 انڈیکس میں ایک موقع پر 2,226 پوائنٹس کی گراوٹ جبکہ بعد ازاں 979 پوائنٹس کی ریکوری بھی دیکھی گئی۔ مارکیٹ نے 171,000 پوائنٹس کی حد بحال کر لی تاہم 172,000 پوائنٹس کی سطح برقرار نہ رکھ سکی۔
کاروبار کے اختتام پر 100 انڈیکس 713 پوائنٹس کی کمی کے ساتھ 171,021 پوائنٹس پر بند ہوا۔ دوران ٹریڈنگ انڈیکس 172719 پوائنٹس تک اوپر اور 169513 پوائنٹس تک نیچے بھی آیا جبکہ بینکنگ ، آئل اینڈ گیس اور فرٹیلائزر کمپنیز کے شیئرز میں فروخت کا دباؤ رہا۔