ویسٹ انڈیز کرکٹ ٹیم کے ہیڈ کوچ ڈیرن سیمی نے پاکستان کے خلاف آئندہ ٹیسٹ سیریز میں شاندار کارکردگی کا مظاہرہ کرتے ہوئے آئی سی سی ورلڈ ٹیسٹ چیمپئن شپ میں ٹیم کی پوزیشن بہتر بنانے پر اپنی نظریں مرکوز کرلی ہیں۔ ان کا کہنا ہے کہ آسٹریلیا، بھارت اور نیوزی لینڈ کے خلاف سخت سیریز کے بعد ٹیم بہتری کی جانب گامزن ہے جبکہ سری لنکا کے خلاف ملنے والی کامیابی نے کھلاڑیوں کے اعتماد میں اضافہ کیا ہے۔
ڈیرن سیمی نے پاکستان کے خلاف سیریز کو ٹیم کے لیے نئی رفتار حاصل کرنے کا بہترین موقع قرار دیتے ہوئے واضح کیا کہ ایک سیریز کی کامیابی پر مطمئن ہونے کے بجائے ٹیم کی طویل المدتی ترقی ان کی اولین ترجیح ہے۔
انہوں نے مزید کہا کہ کرکٹ کی عظیم ترین شخصیت سر گارفیلڈ سوبرز کے انتقال کے بعد پاکستان کے خلاف کھیلا جانے والا یہ پہلا ٹیسٹ ہوگا جس میں ویسٹ انڈیز کی ٹیم انہیں شاندار خراجِ عقیدت پیش کرے گی۔
سر گارفیلڈ سوبرز کی ٹیسٹ کرکٹ کے لیے بے مثال خدمات کا اعتراف کرتے ہوئے ہیڈ کوچ نے عزم ظاہر کیا کہ ویسٹ انڈیز کی ٹیم پاکستان کے خلاف سیریز میں ایسی بہترین کارکردگی کا مظاہرہ کرے گی جس پر سر گارفیلڈ سوبرز کو فخر ہوتا۔