کامن ویلتھ گیمز 2026 میں پاکستان کی باکسر فاطمہ زاہرہ نے شاندار کارکردگی کا مظاہرہ کرتے ہوئے خواتین کی 60 کلوگرام کیٹیگری کے کوارٹر فائنل کے لیے کوالیفائی کر لیا۔
اسکاٹ لینڈ میں جاری ایونٹ کے ابتدائی مقابلے میں فاطمہ زاہرہ نے لیسوتھو کی باکسر ریئل ایبوہا کے خلاف یکطرفہ کھیل پیش کیا۔ پاکستانی باکسر کی واضح برتری دیکھتے ہوئے ریفری نے مقابلہ قبل از وقت روک دیا اور فاطمہ زاہرہ کو ناک آؤٹ کی بنیاد پر فاتح قرار دے دیا۔
اس کامیابی کے ساتھ فاطمہ زاہرہ نے کوارٹر فائنل میں جگہ بنا لی، جہاں ان کا مقابلہ نیوزی لینڈ کی جارڈن ولسن سے ہوگا۔