کالعدم بی ایل اے کے مسلح افراد نے بلوچستان کے علاقے کھڈ کوچہ سے ایک کوریئر کمپنی کا منی ٹرک عملے کے 2 افراد سمیت اغوا کرلیا جس کی رہائی کے بدلے ڈھائی کروڑ روپے تاوان کا مطالبہ کیا گیا ہے۔
سیکیورٹی ذرائع کے مطابق 24 جولائی کو پیش آنے والے اس واقعے کے بعد 26 جولائی کو مغویوں کو قتل کرنے کی دھمکی دیتے ہوئے کوریئر کمپنی سے بھاری تاوان طلب کیا گیا ہے۔
ذرائع کا کہنا ہے کہ کالعدم تنظیم دہشت گردی کے ساتھ ساتھ بینک ڈکیتیوں، گاڑی چھیننے، بھتہ خوری اور اغوا برائے تاوان جیسی مجرمانہ سرگرمیوں میں بھی ملوث ہے، جس کا مقصد علاقے میں خوف و ہراس پھیلانا اور دہشت گردی کی مالی معاونت کرنا ہے، جبکہ ایسی وارداتوں سے سب سے زیادہ نقصان عام بلوچ عوام، مقامی تاجروں اور بلوچستان کے امن کو پہنچتا ہے۔