سنٹرل ایشین والی بال چیمپئن شپ کے پانچویں میچ میں پاکستان نے قازقستان کو تین صفر سے شکست دے کر مسلسل پانچویں کامیابی کے ساتھ سیمی فائنل کے لیے کوالیفائی کرلیا ہے۔
اس میچ میں پاکستان ٹیم کی فتح کا اسکور 25-23، 25-19 اور 25-21 رہا۔ لیگ مرحلے کے دیگر دو آخری میچز میں بنگلا دیش نے سری لنکا کو جبکہ ازبکستان نے نیپال کی ٹیم کو شکست سے دوچار کیا۔
بطورِ لیگ ٹاپ کرنے کے بعد پہلا سیمی فائنل کل پاکستان اور سری لنکا کے درمیان کھیلا جائے گا، جبکہ دوسرے سیمی فائنل میں بنگلا دیش اور ازبکستان کی ٹیمیں مدمقابل ہوں گی۔
پاکستان والی بال فیڈریشن کے چیئرمین چوہدری یعقوب نے قومی ٹیم کی اس مسلسل شاندار کامیابی پر کھلاڑیوں کو مبارکباد دی ہے، جبکہ فیڈریشن کے صدر سہیل خاور میر نے کھلاڑیوں کی پوری لیگ مرحلے میں ناقابلِ شکست کارکردگی کو انتہائی قابلِ ستائش قرار دیا ہے۔