سابق قومی ٹیسٹ کرکٹر محمد خلیل کی 10 ماہ کی بیٹی علیشا گھر میں پیش آنے والے ایک افسوسناک حادثے کے دوران کرنٹ لگنے سے جاں بحق ہوگئی ہے۔
ذرائع کے مطابق کمسن علیشا کھیلتے ہوئے گھر میں موجود بجلی کی تاروں کے قریب پہنچ گئی اور انہیں چھونے سے شدید متاثر ہوئی۔ بچی کو فوری طور پر طبی امداد فراہم کرنے کی کوشش کی گئی تاہم وہ جانبر نہ ہو سکی۔
سابق ٹیسٹ کرکٹر محمد خلیل نے اپنی بیٹی کے انتقال کی تصدیق کرتے ہوئے گہرے رنج و غم کا اظہار کیا ہے۔
محمد خلیل اس وقت نجی مصروفیت کے باعث امریکہ میں موجود ہیں اور حادثے کی خبر ملتے ہی جلد وطن واپس پہنچ رہے ہیں۔