ویسٹ انڈیز کے خلاف پہلے ٹیسٹ میچ میں شاندار سنچری اسکور کرنے والے قومی ٹیم کے اوپنر شان مسعود انجری کا شکار ہو گئے ہیں جس کے باعث دوسرے ٹیسٹ میچ میں ان کی شرکت کے امکانات انتہائی کم ہو گئے ہیں۔
ذرائع کے مطابق شان مسعود کی انگلی میں فریکچر ہوگیا ہے جس کے بعد قومی ٹیم کی میڈیکل ٹیم نے انہیں دوسرے ٹیسٹ میچ میں آرام کا مشورہ دیا ہے۔
ذرائع کا کہنا ہے کہ اگر شان مسعود دوسرے ٹیسٹ سے باہر ہوتے ہیں تو ان کی جگہ عبداللہ شفیق کو پلیئنگ الیون میں شامل کیے جانے کا امکان ہے۔ صحت یابی کے بعد ان کی انگلینڈ کے خلاف آئندہ ٹیسٹ سیریز میں واپسی متوقع ہے۔