گلاسگو کامن ویلتھ گیمز میں پاکستان کے اولمپک گولڈ میڈلسٹ ارشد ندیم نے مینز جیولن تھرو کے فائنل کے لیے کوالیفائی کر لیا جبکہ پاکستان کے دوسرے ایتھلیٹ یاسر سلطان فائنل میں جگہ نہ بنا سکے۔
تین تھروز پر مشتمل کوالیفائنگ راؤنڈ میں کوئی بھی ایتھلیٹ 84 میٹر کا مقررہ کوالیفائنگ معیار حاصل نہ کر سکا جس کے باعث بہترین تھروز کی بنیاد پر ٹاپ 12 ایتھلیٹس کو فائنل کے لیے منتخب کیا گیا۔
ارشد ندیم نے 78.63 میٹر کی بہترین تھرو کے ساتھ مجموعی طور پر ساتویں پوزیشن حاصل کرتے ہوئے فائنل میں جگہ بنائی۔
دوسری جانب یاسر سلطان 74.36 میٹر کی تھرو کے ساتھ 14ویں نمبر پر رہے اور فائنل تک رسائی حاصل نہ کر سکے۔
کوالیفائنگ راؤنڈ میں بہاماس کے کیشون 78.60 میٹر، بھارت کے روہت یادیو 78.37 میٹر، یش ویر سنگھ 78.36 میٹر، ٹرینیڈاڈ اینڈ ٹوباگو کے والکوٹ 78.26 میٹر اور نائجیریا کے این نیمدی 75.27 میٹر کی تھرو کے ساتھ بھی فائنل میں پہنچنے والے ایتھلیٹس میں شامل ہیں۔