قومی کرکٹر عماد وسیم کی سابقہ اہلیہ ثانیہ اشفاق کی ایک نئی ویڈیو نے سوشل میڈیا پر نئی بحث چھیڑ دی ہے۔ ویڈیو میں وہ عروسی لباس میں ملبوس نظر آتی ہیں اور "قبول ہے" کہتی سنائی دیتی ہیں۔ ایک موقع پر وہ فون پر موجود شخص سے پوچھتی ہیں، "میں کیسی لگ رہی ہوں؟" جس پر جواب ملتا ہے، "میری دلہن۔"
ویڈیو کے ساتھ ثانیہ نے لکھا "الحمدللہ، زندگی کے ایک نئے باب کا آغاز۔"، جس کے بعد کئی صارفین نے انہیں مبارکباد دی، جبکہ بعض کا خیال ہے کہ یہ دوسری شادی کا اعلان نہیں بلکہ کسی نئے ماڈلنگ یا شوبز پراجیکٹ کی تشہیر بھی ہوسکتی ہے۔
تاہم ثانیہ اشفاق نے تاحال اپنی ویڈیو یا کیپشن کی حقیقت سے متعلق کوئی وضاحت نہیں کی، جس کے باعث مختلف قیاس آرائیاں جاری ہیں۔