شمسو بی بی کو 14 اگست کو تھانہ ٹیکسیلا کی حدود میں فائرنگ کر کے قتل کیا گیا تھا۔ اس واقعے سے متعلق درج ہونے والی ایف آئی آر میں ان کے والد کا کہنا ہے کہ ان کی بیٹی گذشتہ تین، چار برس سے ٹک ٹاک پر متحرک تھیں اور ان کے لاکھفالورز بھی تھے۔
راولپنڈی میں پولیس نے ٹک ٹاکر شمسو عرف عائشہ گلمانہ کے قتل کے مقدمے میں ایک نامزد ملزم اور تین سہولت کاروں کو حراست میں لینے کا دعویٰ کیا ہے۔
شمسو بی بی کو 14 اگست کو تھانہ ٹیکسلا کی حدود میں فائرنگ کر کے قتل کیا گیا تھا۔ اس واقعے سے متعلق درج ہونے والی ایف آئی آر میں ان کے والد کا کہنا ہے کہ ان کی بیٹی گذشتہ تین، چار برس سے ٹک ٹاک پر موجودتھیں اور ان کے 13 لاکھفالورز بھی تھے۔
اس مقدمے کے تفتیشی افسر سب انسپیکٹر محمد فیاض نے بی بی سی اردو کو بتایا کہ شمسو بی بی کے قتل کے مقدمے میں نامزد ایک ملزم کو گرفتار کر لیا گیا ہے، جن پر ایف آئی آر کے مطابقمقتولہ کو کال کر کے گھر سے باہر بُلانے کا الزام ہے۔
تفتیشی افسر کے مطابق مقدمے میں نامزد دو مزید ملزمان کی گرفتاری کے لیے چھاپے مارے جا رہے ہیں۔
انھوں نے مزید کہا کہ ملزمان کا تعلق جنوبی وزیرستان سے ہے اور وہ اس واقعے کے بعد روپوش ہوگئے ہیں۔ تاہم سب انسپیکٹر محمد فیاض کے مطابق جیوفینسنگ سے معلوم ہوا ہے کہ شمسو بی بی کے قتل کے وقت دونوں ملزمان کے موبائل فونز کی لوکیشن مری کی آ رہی ہے۔
پولیس کا دعویٰ ہے کہ ملزمان کے زیر استعمال موبائل فونز کی لوکیشن جائے حاثہ پر نہ ہونے کی وجہ سے یہ بات یقین سے کہی جاسکتی ہے کہ ٹک ٹاکر کو کرائے کے قاتلوں کے ذریعے قتل کروایا گیا ہے۔
انھوں نے کہا کہ اس واقعہ کے بعد دونوں ملزمانروپوش ہوگئے ہیں اور ان کے گھروں پر تالے لگے ہوئے ہیں۔
ایف آئی آر میں کیا کہا گیا ہے؟
شمسو بی بی کے قتل کے بعد درج ہونے والی ایف آئی آر میں کہا گیا ہے کہ 14 اگست کوانھیں ایک شخص کی فون کال آئی، جس میں انھوں نے مقتولہ کو گھر سے نکلنے کے لیے کہا۔
یہ مقدمہ مقتولہ کے والد فضل کی مدعیت میں درج کیا گیا ہے۔
اس مقدمے کی ایف آئی آر کے مطابق مقتولہ اسی شخص کی فون کال سننے کے بعد اپنے بہن اور بھائی کو لے کر اپنے والد کے گھر جانے کے لیے اپنیگاڑی پرنکلیں اور اس کے بعد فیصل ٹاؤن کے قریب راستے پر موجود دو نامعلوم موٹر سائیکل سواروں نےان کی گاڑی پر فائرنگ کردی۔
ایف آئی آر کے مطابق گولی شمسو بی بی کی گردن پر لگی جس سے وہ موقع پر ہی ہلاک ہوگئیں، جبکہ فائرنگ کے نتیجے میں گاڑی، جس کو مقتولہ کے بھائی چلا رہے تھے، بے قابو ہوکر مخالف سمت سے آنے والے ڈمپر سے ٹکرا گئی۔
اس حملے میں مقتولہ کے بھائی اور بہن بھی زخمی ہوئے۔
راولپنڈی پولیس نے مقدمے میں نامزد ایک ملزم کو گرفتار کرنے کا دعویٰ کیا ہےایف آئی آر میں مقتولہ کے والد نے مؤقف اپنایا ہے کہ ان کی بیٹی کو 'رقم کے لین دین' کے معاملے پر قتل کیا گیا ہے اور یہ کہ انھیں ان کی بیٹی نے بتایا تھا کہ دو ملزمان نے نہ صرف ان سے پیسے لیے ہوئے تھے بلکہ انھیں قتل کی دھمکیاں بھی دے رہے تھے۔
دوسری جانب اس مقدمے کے تفتیشی افسر سب انسپیکٹر محمد فیاض کا کہنا ہے کہ تفتیش کے لیے مختلف ٹیمیں تشکیل دی گئی ہیں، جو کہ اس ضمن میں مختلف جگہوں سے شواہد اور دیگر معلومات بھی حاصل کر رہی ہیں۔
انھوں نے کہا کہ مقتولہ کے زیر استعمال موبائل فون کا بھی فارنزک کروایا جارہا ہے اور ان افراد کو بھی شامل تفتیش کرنے کے لیے قانونی کارروائی جاری ہے، جن کے ساتھ مقتولہ زیادہ رابطے میں رہی ہیں۔
مقتولہ کے بھائی کا کیا کہنا ہے؟
مقتولہ کے بھائی نے بھی بی بی سی اردو سے بات کرتے ہوئے دعویٰ کیا کہ ان کی بہن کو پیسے کے لین دین کے معاملے پر قتل کیا گیا ہے۔
انھوں نے یہ بھی الزام عائد کیا کہ پولیس نے جس ملزم کو حراست میں لیا ہے، اسے ان کے خاندان نے نامزد ہی نہیں کیا تھا۔ تاہم اس مقدمے کے تفتیشی افسر کا کہنا ہے کہ ایف آئی آر کے اندراج کے لیے تحریر خود شمسو بی بی کے والد نے لکھی تھی۔
مقتولہ کے بھائی رحمت اللہ کا مزید کہنا تھا کہ وہ دس بہن بھائی ہیں، جن میں شمسو بی بی کا نمبر تیسرا تھا۔
رحمت اللہ کے طابق مقتولہ کے تین بچے ہیں اور حملے کے روز وہ اپنے دیگر بہن بھائیوں سے ملنے اپنے والد کے گھر جا رہی تھیں، جو فیصل ٹاؤن میں واقع ہے۔
مقتولہ کے بھائی کا کہنا تھا کہ ان کی بہن اپنے والدین کے ساتھ نہیں بلکہاسلام آباد میں ایک کرائے کے گھر میں رہتیتھیں۔
اس مقدمے کے تفتیشی افسر کا کہنا ہے کہ پولیس کے حکام نے خیبر پختونخوا پولیس کو اس مقدمے میں تعاون کرنے کے لیے خط لکھا ہے۔
