بلوچستان کے اسکولوں میں بچوں کو ڈیسک فراہم کرنے کا اعلان تین ماہ گزرنے کے باوجود عملی شکل اختیار نہ کرسکا جبکہ صوبے کے بیشتر سرکاری اسکولوں میں طلبہ تاحال ٹاٹ پر بیٹھ کر تعلیم حاصل کر رہے ہیں۔
وزیراعلیٰ بلوچستان سرفراز بگٹی نے اسکولوں میں ٹاٹ کلچر ختم کرکے تین ماہ میں ڈیسک فراہم کرنے کا اعلان کیا تھا تاہم مقررہ مدت گزرنے کے باوجود ڈیسک فراہم نہیں کیے جاسکے۔
ڈائریکٹر اسکولز اختر کھیتران کے مطابق ڈیسک کی فراہمی کے منصوبے کی سمری حکومت کو بھجوادی گئی ہے فنڈز ملنے کے بعد اسکولوں میں ڈیسک فراہم کردیے جائیں گے۔