اسلام آباد میں لانگ مارچ اور متوقع احتجاج کے پیش نظر شہر کے 24 سرکاری تعلیمی اداروں کو 22 ستمبر سے بند کرنے کا فیصلہ کیا گیا ہے۔
ذرائع کے مطابق ان اسکولوں اور تعلیمی اداروں کی عمارتوں کو وفاقی دارالحکومت میں طلب کی گئی اضافی پولیس نفری کی رہائش کے لیے استعمال کیا جائے گا۔
بند کیے جانے والے ان تعلیمی اداروں میں تمام تر تعلیمی سرگرمیاں فی الحال معطل رہیں گی۔ وفاقی نظامت تعلیم کی جانب سے فی الوقت آن لائن تدریس یا متبادل تعلیمی ذرائع فراہم کرنے کے حوالے سے کوئی پالیسی جاری نہیں کی گئی ہے۔
یاد رہے کہ جماعت اسلامی اور پاکستان تحریک انصاف کی جانب سے اسلام آباد کی طرف لانگ مارچ کے اعلانات کے بعد انتظامیہ نے شہر کی مختلف شاہراہوں اور ریڈ زون کو کنٹینرز لگا کر سیل کرنا شروع کردیا ہے۔