"ایسا نہیں ہے کہ ہمارے درمیان لڑائی نہیں ہوتی، ہم تو بہت بری طرح لڑتے ہیں۔ میاں بیوی کے درمیان ایک عام قسم کی لڑائی ہوتی ہے اور ایک لڑائی غصے میں بہت زیادہ بڑھ جاتی ہے۔ ہم عموماً دن میں کئی بار کتوں کی طرح لڑتے ہیں، لیکن میں نے کبھی نہیں سوچا تھا کہ میرا شوہر میرا دوست بھی بن جائے گا۔
میں نے بہت سے لوگوں سے سنا ہے کہ ان کے شوہر اچھے نہیں ہوتے، لیکن میں اپنے شوہر سے پورا دن بات کرتی ہوں۔ لڑائی ہوجائے تب بھی ہماری بات چیت جاری رہتی ہے۔ ماشاءاللہ، میرا صرف ایک دوست ہے اور وہ مانی ہے۔ اللہ ہمیں نظرِ بد سے محفوظ رکھے۔"
پاکستانی اداکارہ حرا مانی نے اپنی ازدواجی زندگی کے بارے میں کھل کر بات کرتے ہوئے بتایا ہے کہ شوہر مانی کے ساتھ اختلافات اور جھگڑوں کے باوجود ان کا رشتہ مضبوط کیوں ہے۔
حرا مانی کا کہنا ہے کہ میاں بیوی کے درمیان لڑائی ہونا کوئی غیر معمولی بات نہیں، تاہم ان کے لیے مانی صرف شریکِ حیات نہیں بلکہ ایک قریبی دوست بھی ہیں۔ ان کے مطابق دونوں کے درمیان دن میں کئی مرتبہ بحث یا جھگڑا ہوجاتا ہے، لیکن اس کے باوجود وہ ایک دوسرے سے بات چیت کا سلسلہ نہیں توڑتے۔
اداکارہ نے اپنی بات میں خاص طور پر اس پہلو کو نمایاں کیا کہ مانی کے ساتھ ان کی دوستی ہی ان کی ازدواجی زندگی کو مضبوط بناتی ہے۔ ان کے مطابق وہ شوہر سے دن بھر بات کرتی ہیں اور اختلاف کے باوجود ایک دوسرے سے جڑے رہتے ہیں۔
حرا مانی نے اپنے انسٹاگرام اسٹوری کے ذریعے یہ خیالات مداحوں کے ساتھ شیئر کیے، جس کے بعد ان کی ازدواجی زندگی اور مانی کے ساتھ تعلق ایک بار پھر توجہ کا مرکز بن گیا۔ اداکارہ کی گفتگو میں جہاں میاں بیوی کے درمیان ہونے والے جھگڑوں کا ذکر تھا، وہیں شوہر کو اپنا واحد دوست قرار دینے نے ان کے مداحوں کی دلچسپی بھی بڑھا دی۔