ممبئی میں بالی ووڈ کے معروف اداکار مشتاق احمد خان کی تدفین سے قبل ان کا وصیت نامہ عام کردیا گیا۔
مسلم میڈیا بھارت کے مطابق یہ وصیت نامہ مشتاق خان کی اہلیہ نے ممبئی کی مسجد بلال کے امام محمد اویس کو پڑھ کر سنانے کے لیے دیا تھا۔
وصیت نامے میں لکھا تھا کہ انہوں نے اپنی جائیداد میں سے مکمل اسلامی طریقے سے اپنی تینوں بیٹیوں کو ان کا پورا شرعی حصہ دیا ہے، جبکہ باقی جائیداد ان کی اہلیہ اور دو بیٹوں کے نام ہے۔
وصیت میں مزید تحریر تھا کہ ان کی ملکیت میں سے ایک کنال زمین مسجد کے لیے وقف کی گئی ہے اور ان کی خواہش ہے کہ اس پر مسجد تعمیر کی جائے، جسے لازمی پورا کیا جائے۔
وصیت نامہ سنائے جانے کے بعد مشتاق خان کے بڑے بیٹے نے آبدیدہ ہوتے ہوئے اعلان کیا کہ والد کی تدفین کے فوراً بعد وہ امام مسجد اویس صاحب کے ساتھ مل کر اس مسجد کا سنگِ بنیاد رکھیں گے۔
انہوں نے کہا کہ وہ اپنے والد کی روح کے ایصالِ ثواب کے لیے اپنے ذاتی پیسوں سے یہ مسجد تعمیر کروائیں گے تاکہ ان کے والد کی وصیت پر مکمل عمل درآمد ہوسکے۔