بالی ووڈ کے دبنگ اسٹار سلمان خان نے سوشل میڈیا کی دنیا میں ایک اور قدم بڑھاتے ہوئے اپنا آفیشل یوٹیوب چینل لانچ کردیا، جسے مداحوں کی جانب سے بھرپور پذیرائی مل رہی ہے۔
بھارتی میڈیا رپورٹس کے مطابق 60 سالہ اداکار نے انسٹاگرام اسٹوری پر ایک دلچسپ ویڈیو شیئر کرکے اپنے نئے یوٹیوب چینل کا اعلان کیا۔ سلمان خان نے کیپشن میں لکھا کہ ’’آغاز سے شروع کرتے ہیں، یہ میرا آفیشل یوٹیوب چینل ہے، جہاں اے سے زیڈ تک سب کچھ ملے گا۔‘‘
رپورٹس کے مطابق چینل لانچ ہونے کے محض 11 گھنٹوں میں سبسکرائبرز کی تعداد 32 ہزار سے تجاوز کرگئی، جبکہ ابتدائی طور پر چینل پر 10 شارٹس اپ لوڈ کی گئی ہیں۔
تاہم سلمان خان نے ابھی یہ واضح نہیں کیا کہ وہ مستقبل میں اپنے یوٹیوب چینل پر کس نوعیت کا مواد شیئر کریں گے۔ مداحوں کو اب انتظار ہے کہ بالی ووڈ اسٹار اپنے نئے ڈیجیٹل پلیٹ فارم پر کیا منفرد پیشکش کرتے ہیں۔