بلوچستان کے ضلع واشک کے علاقے پلانتک میں سیکیورٹی فورسز نے آپریشن ردالفتنہ 3 کے تحت انٹیلی جنس بیسڈ کارروائی کرتے ہوئے 5 دہشت گردوں کو ہلاک اور 4 کو زخمی کردیا۔
سیکیورٹی ذرائع کے مطابق کارروائی کے دوران دہشت گردوں کے ٹھکانوں کو نشانہ بنایا گیا جبکہ ہلاک افراد کے قبضے سے آر پی جی 7، 5 گولے، 5 جدید ہتھیار، میگزینز، 3 موبائل فونز اور 2 موٹر سائیکلیں برآمد کی گئیں۔
ذرائع کا کہنا ہے کہ ہلاک دہشت گرد علاقے میں لوٹ مار، خوف و ہراس پھیلانے اور بنیادی ڈھانچے کو نقصان پہنچانے میں ملوث تھے۔ سیکیورٹی فورسز نے بلوچستان میں دہشت گردی کے خاتمے تک کارروائیاں جاری رکھنے کے عزم کا اظہار کیا ہے۔