امریکی صدر ڈونلڈ ٹرمپ نے کہا کہ پیرس بہت جلد مسلمانوں کا شہر بننے جا رہا ہے۔ انہوں نے فرانس کے صدر ایمانوئل میکرون پر تنقید کرتے ہوئے کہا کہ فرانس کو دنیا بھر سے تارکین وطن کی آمد روکنے کے لیے اپنی سرحدیں بند کردینی چاہئیں۔
امریکی میڈیا سے گفتگو کرتے ہوئے ٹرمپ کا کہنا تھا کہ انہوں نے پہلے ہی میکرون کو خبردار کیا تھا کہ دنیا بھر سے لوگوں کو فرانس آنے کی اجازت دینا ایک بڑی غلطی ہے۔
واضح رہے کہ فرانس میں حالیہ پرتشدد مظاہروں کے دوران ایک شخص ہلاک، سیکڑوں پولیس اہلکار زخمی اور تقریباً 1800 افراد گرفتار کیے جانے کی اطلاعات ہیں۔
ٹرمپ نے اپنے سوشل میڈیا پلیٹ فارم ٹروتھ سوشل پر بھی فرانس میں تارکین وطن کی آمد پر تنقید کرتے ہوئے سرحدیں بند کرنے کا مطالبہ کیا تھا۔