عراق نے سیکیورٹی وجوہات کی بنا پر ایران کے ساتھ ملحق اہم سرحدی گزرگاہ شیب کراسنگ کو بند کردیا ہے، جس کے باعث مسافروں اور مال بردار گاڑیوں کی آمد و رفت معطل ہوگئی ہے۔
غیر ملکی خبر ایجنسی کے مطابق ذرائع کا کہنا ہے کہ شیب بارڈر کراسنگ کو مسافروں، گاڑیوں اور ٹرکوں کے لیے تاحکمِ ثانی بند کیا گیا ہے۔
خبر ایجنسی کے مطابق سرحدی گزرگاہ پر سیکیورٹی انتظامات کا ازسرِنو جائزہ لینے کے لیے یہ اقدام کیا گیا ہے، تاہم کراسنگ دوبارہ کھولنے کے حوالے سے کوئی حتمی وقت نہیں بتایا گیا۔
شیب بارڈر کراسنگ عراق اور ایران کے درمیان تجارت اور مسافروں کی آمد و رفت کے لیے اہم گزرگاہوں میں شمار ہوتی ہے۔