اسرائیل میں عام انتخابات سے صرف تین روز قبل وزیراعظم بن یامین نیتن یاہو کی حکومت کے خلاف ہزاروں افراد سڑکوں پر نکل آئے۔
غیر ملکی میڈیا رپورٹس کے مطابق تل ابیب میں ہونے والے اس بڑے احتجاجی مظاہرے کے دوران شہریوں نے حکومت اور وزیراعظم کے خلاف شدید نعرے بازی کی۔
مظاہرین نے 7 اکتوبر 2023 کو ہونے والے حماس کے حملے کے دوران حکومت اور سیکیورٹی اداروں کی ناکامیوں کی مکمل اور شفاف تحقیقات کے لیے ایک آزاد اور خودمختار تحقیقاتی کمیشن قائم کرنے کا مطالبہ کیا۔
انتخابات کے اتنے قریب ہونے والے اس احتجاج کو وزیراعظم نیتن یاہو کی پالیسیوں کے خلاف عوامی ریفرنڈم کے طور پر دیکھا جا رہا ہے۔