پاکستان اسٹاک ایکسچینج میں جمعہ کو کاروبار کے آغاز پر فروخت کا دباؤ غالب رہا جس کے باعث کے ایس ای 100 انڈیکس ابتدائی چند منٹوں میں 236 پوائنٹس گر کر 166,957 پوائنٹس پر آگیا۔
مارکیٹ میں آٹو موبائل، سیمنٹ، بینکنگ، کھاد اور تیل و گیس سمیت اہم شعبوں میں منفی رجحان دیکھا گیا جبکہ حبکو، ماری، پی پی ایل، ایم سی بی اور دیگر بڑی کمپنیوں کے حصص بھی منفی زون میں رہے۔
دوسری جانب وزارت خزانہ نے اکتوبر 2026 میں مہنگائی کی شرح 9.5 سے 10.5 فیصد تک رہنے کا تخمینہ ظاہر کیا ہے۔ واضح رہے کہ گزشتہ روز اسٹاک مارکیٹ میں 1,456 پوائنٹس سے زائد تیزی ریکارڈ کی گئی تھی۔