کلفٹن شاہ رسول کالونی میں باپ نے مبینہ طور پر اپنے کمسن بیٹے کو فائرنگ کرکے قتل کرنے کے بعد خودکشی کرلی۔
شاہ رسول کالونی میں اکبر ہوٹل کے قریب واقع گھر میں فائرنگ کا افسوسناک واقعہ پیش آیا ہے۔
واقعے کی اطلاع ملتے ہی ایدھی ایمبولینسز موقع پر پہنچ گئیں اور دونوں لاشوں کو جناح اسپتال منتقل کردیا گیا۔
اسپتال انتظامیہ اور پولیس کے مطابق جاں بحق ہونے والوں کی شناخت 28 سالہ تنویر ولد اشرف اور اس کے 6 سالہ بیٹے حسنین ولد تنویر کے نام سے ہوئی ہے۔
واقعہ کی اطلاع ملتے ہی متعلقہ تھانہ بوٹ بیسن کی پولیس نے موقع پر پہنچ گئی اور واقعے کے تمام پہلوؤں پر قانونی و تفتیشی کارروائی کا آغاز کردیا ہے۔ ابتدائی طور پر واقعہ گھریلو جھگڑوں کا نتیجہ بتایا گیا ہے، تاہم مزید تحقیقات جاری ہیں۔