پاکستانی شوبز انڈسٹری کے سینئر اداکار عدنان جیلانی نے نوجوان اداکاروں کے غیر پیشہ ورانہ رویے پر کھل کر بات کرتے ہوئے سیٹ پر کام کرنے کے انداز پر سوالات اٹھا دیے ہیں۔
پی ٹی وی سے اپنے کیریئر کا آغاز کرنے والے سینئر اداکار عدنان جیلانی نے اپنے حالیہ انٹرویو میں بتایا کہ انہوں نے بعض نوجوان اداکاراؤں کے ساتھ کام کیا ہے جو اپنے ساتھی فنکاروں کو مناسب ڈائیلاگ کیو (Dialog Cue) بھی نہیں دیتیں، جبکہ بعض اداکارائیں طلاق جیسے سنجیدہ موضوع پر مکالمے ادا کرتے ہوئے بھی سوشل میڈیا استعمال کرنے میں مصروف رہتی ہیں۔
انہوں نے کہا کہ ایسے غیر پیشہ ورانہ رویے کے باعث اب وہ اس حد تک عادی ہوچکے ہیں کہ پتھر کے ساتھ بھی اداکاری کرسکتے ہیں۔ تاہم عدنان جیلانی نے یہ واضح بھی کیا کہ انڈسٹری میں ایسے باصلاحیت نوجوان اداکار اور اداکارائیں بھی موجود ہیں جو اپنے فن کو بہتر بنانے کے لیے مسلسل محنت کرتے ہیں۔