ممبئی پولیس نے اداکار ٹائیگر شروف پر قاتلانہ حملے اور لارنس بشنوئی گینگ کی جانب سے بالی وڈ کے متعدد اداکاروں کو مبینہ دھمکیاں موصول ہونے کے بعد بالی وڈ ستاروں کی سیکیورٹی کے لیے ایک ایڈوائزری جاری کی ہے۔
اس ایڈوائزری میں مشہور شخصیات کو فی الحال عوامی مقامات پر جانے اور مداحوں سے میل جول رکھنے سے گریز کرنے کی ہدایت کی گئی ہے۔
پولیس کی جانب سے ٹائیگر شروف پر فائرنگ کے واقعے کی تفتیش سے یہ بات سامنے آئی ہے کہ ملزم نے اس حملے سے قبل بالی وڈ کی کئی معروف شخصیات کے گھروں کا دورہ کیا تھا۔
ممبئی کرائم برانچ کے ذرائع کے مطابق ملزم نے ٹائیگر شروف کے علاوہ امیتابھ بچن اور سلمان خان کی رہائش گاہوں کی بھی مبینہ طور پر ریکی کی تھی۔